Arsenal wametuma rasmi ofa ya £10m kwa Newcastle kwa ajili ya kiungo Yohan Cabaye, kwa mujibu wa shirika la utangazaji wa Uingereza BBC.
Mpaka sasa Newcastle hawajaikataa rasmi ofa hiyo kwa ajili ya kiungo huyo mwenye miaka 27, lakini inaaminika wataikataa ofa hiyo ikizingatiwa PSG walitoa ofa ya kiasi kinachokaribiana na hicho.
Arsenal, ambao walifungwa mechi yao ya ufunguzi wa ligi 3-1 na Aston
Villa, wameshindwa kukataa wala kukubali kuhusiana na ofa hiyo ya
Cabaye.
Gunners wamekumbwa na mkosi wa majeruhi ya viungo wake tegemeo Mikel Arteta na
Abou Diaby.
Hatimaye beki wa kimataifa wa klabu ya Simba na timu ya taifa ya Tanzania Shomary Kapombe amefuzu majaribio aliyokuwa akifanya barani ulaya kwa kufanikiwa kujiunga na klabu ya AS Cannes ya Ufaransa.
Kwa mujibu wa taarifa kutoka mwandishi
wa BBC - Abdul Mohamed ni kwamba Shomary Kapombe amefuzu majaribio hayo
na sasa zimebakia taratibu tu za uhamisho ili ajiunge rasmi na timu
hiyo ya AS Cannes inayoshiriki kwenye ligi daraja la nne nchini Ufaransa.
Kapombe aliondoka nchini takribani mwezi mmoja uliopita na kwenda barani ulaya kufanya majaribio ya kucheza soka la kulipwa.
Mtandao huu upo katika kujaribu kufanya mawasiliano na uongozi wa Simba ili kupata taarifa rasmi juu ya usajili huu wa Shomary Kapombe.
