GUINEA YA IKWETA YATOZWA FAINI DOLA LAKI MOJA VURUGU ZA JANA

WENYEJI wa fainali za kombe la Mataifa ya Africa, Afcon 2015, Guinea ya Ikweta wametozwa faini ya dola laki moja kwa mtafaruku wa jana usiku katika mechi ya nusu fainali dhidi ya Ghana ‘Black Stars’.

Hata hivyo CAF imesema Guinea ya Ikweta watahudhuria mechi ya kutafuta mshindi wa tatu dhidi ya DR Congo itakayopigwa kesho.

Mashabiki wa timu mwenyeji walifanya vurugu na kuwarushia chupa za maji wachezaji wa Ghana, Viongozi pamoja na mashabiki.

Polisi walilazimika kutumia mabomu ya machozi kuwatawanya mashabiki hao, huku wachezaji wa Ghana wakitolewa uwanjani chini ya ulinzi mkali.

Vurugu hizo zilisababisha mechi kusimama kwa dakika 35, lakini Ghana walifuzu fainali kutokana na ushindi wa mabao 3-0.

SIMBA YAPOKELEWA KISHUJAA TANGA…YAANZA MAZOEZI KUIWINDA COASTAL UNION

SIMBA inaanza mazoezi leo jioni jijini Tanga kujiandaa na mechi ya keshokutwa dhidi ya Coastal Union itakayopigwa uwanja wa CCM Mkwakwani Tanga.

Afisa habari wa klabu hiyo, Humphrey Nyasio amezungumza na mtandao huu na kueleza kuwa kikosi kipo salama na wapo tayari kwa mechi hiyo.

Nyasio amefurahishwa na jinsi mashabiki walivyowapokea kwa furaha jijini Tanga na wamejipanga kuwapa furaha zaidi kwa kushinda kipute hicho.

Hata hivyo, Afisa habari huyo ameongeza kuwa beki wa kati Joesph Owino amebaki Dar es salaam akiendelea kufanya mazoezi mepesi na kikosi cha Simba B.

Kubwa kutoka Hispania ni hili dau lililotajwa kumuuza staa wa soka, Cristiano Ronaldo.

Katika yale yaliyosikika mfululizo kuhusu staa wa soka DUNIANI, Cristiano Ronaldo kuna ishu ya kuachana na mpenzi wake, ipo ya sanamu kubwa kujengwa nyumbani kwao Ureno kama ishara ya kuheshimu anavyoipa sifa nzuri nchi hiyo duniani, lakini pia ana tuzo yake ya Ballon d’Or, mwanasoka bora wa kiume duniani.

Ubora wake unampa thamani kubwa, wakala wake ametangaza dau kubwa kwa klabu yoyote ambayo itakuwa tayari kumnunua staa huyo muda wowote kuanzia sasa.

Wakala wake Jorge Mendes amesema thamani ya Ronaldo kwenye soko ni kama paundi mil. 300 iwapo Klabu yake Real Madrid .

“Huyu ndiye mchezaji bora kuliko wote, huwezi kumfananisha na mchezaji mwingine yoyote“– Mendes.

Ronaldo, mwenye wa miaka 29, alichaguliwa kuwa mchezaji bora wa Dunia Mwezi uliopita alikua akihusishwa kurudi katika klabu yake zamani ya Manchester Unitedlakini Mendez alisisitiza kuwa nyota huyo ataendelea kubaki katika timu ya Real Madridpamoja na kupendwa na mashabiki wa Manchester United.