MATOKEO YA LIGI KUU YA VODACOM: SIMBA YAVUTWA SHARUBU - YANGA YAUA.

Matokeo kamili ya Ligi Kuu Tanzania

Mtibwa Sugar 1 - 1 Azam FC
Rhino Rangers 2 - 2 Simba SC
Coastal Union 2 - 0 JKT Oljoro
Mbeya City 0 - 0 Kagera Sugar
Ruvu Shooting 3 - 0 Tanzania Prisons
Young Africans 5 - 1 Ashanti United.

CHELSEA YATHIBITISHA RASMI KUMSAJILI WILLIAN.

Chelsea imethibitisha kwamba imefikia makubaliano ya kumsajili kiungo Willian kutoka Anzhi Makhachkala.

The Blues wameshindwa kutoa taarifa rasmi ya ada ya uhamisho wa kiungo huyo mwenye umri miaka 25, lakini ripoti zinasema watailipa klabu ya Russia kiasi cha £32million.

Tottenham walikuwa wanakaribia kumsajili mbrazil huyo, wakiwa tayari wameshakubaliana bei na Anzhi na hata vipimo vya afya vilishafanyika. 

Lakini wakati wakiwa bado wanabishana kuhusu maslahi binafsi ya mchezaji, wawakilishi wa kiungo huyo wa kibrazil wakatoa ofa kwa Chelsea kumsajili kiungo huyo ambaye klabu hiyo ya London imekuwa ikimuwinda kwa muda mrefu.

Taarifa kutoka kwenye mtandao rasmi wa Chelsea inasomeka:  "Chelsea Football Club inaweza kuthibitisha kwamba imefikia makubaliano na Willian pamoja na klabu ya Anzhi Makhachkala kwa uhamisho wa mchezaji huyo wa kibrazil. 

Kilichobakia sasa ni kibali cha kufanya kazi nchini Uingereza ambacho kinategemewa kutoka jumatano ijayo."
 
Willian anakuwa mchezaji tatu kusajiliwa na Chelsea kwenye dirisha hili la usajili, kufuatia kuwasili kwa  Andre Schurrle kutoka Bayer Leverkusen na Marco van Ginkel kutoka Vitesse Arnhem, wakati huo Wayne Rooney akiwa bado ni kipaumbele kikuu katika usajili wa upande wa mshambuliaji.

HARUNA MOSHI BOBAN - KADO WANG'ARA COASTAL UNION IKIWAUA OLJORO 2-0 ARUSHA

 Mwenyekiti wa Coastal Union Hemed Hilal 'Aurora' akisalimiana na Yayo Kato, kabla ya mpira kuanza.

                                         Kikosi cha leo hiki kilichoanza dhidi ya Oljoro JKT.

                         Yayo Kato akituliza mpira mbele ya Majaliwa Mbaga wa JKT Oljoro.

 Mashabiki wa Coastal Union waliuteka uwanja wa Sheikh Amri Abeid leo. Watu wote mazungumzo ni kigoma hiki.

 Yusuf Machogote wa JKT Oljoro akijaribu kukimbilia mpira na Suleiman Selembe leo.

 Hiki ni kipindi cha pili Selembe alikosa bao la wazi yeye na golikipa. Na hili lilikuwa bao la pili kukosa baada ya kipindi cha kwanza kupewa pasi murua na Yayo akabaki na golikipa akapiga kichwa mpira ukatoka nje.

 Uhuru Suleiman akijaribu kutafuta mbinu za kumtoka mchezaji wa Oljoro leo.

 Selembe akimpongeza Abdi Banda baada ya kufunga bao la kwanza ndani ya dakika 16 ya mchezo.

 Hapa Banda akiwa anarudi kutoka kufurahia na mashabiki wa Coastal Union waliofurika uwanjani leo.

 Mwamuzi wa leo kutoka Mwanza Jacob Adengo akimwonyesha kadi ya Njano Banda kwa kutoka nje ya uwanja wakati mpira ukiendelea.

 Shaaban Kado leo alikuwa nyota ya mchezo baada ya kuopoa michomo mingi ambayo iliyawacha watu mdomo wazi.

 Hapa mashabiki wa Oljoro wakiingia uwanjani kipindi cha pili baada ya kupigiwa simu waje kuongeza nguvu maana kigoma cha Wagosi kiliwazidi nguvu.

                                                 Morocco akisisitiza jambo uwanjani.

               Haruna Moshi Boban leo alivutia watu wengi kutokana na style yake ya kucheza.

 Hamad 'Basmat' akikokota mpira bila wasiwasi wowote, leo alipiga beki nzuri hakuna mchezji aliyethubutu kumsogelea.

                                                Selembe akituliza mpira kwa ufundi mkubwa.

                         Haruna Moshi 'Boban' akituliza mpira mbele ya wachezaji wawili wa Oljoro.

              Mashabiki wa Coastal Union baada ya mpira kuisha ilikuwa raha tu mwanzo mwisho.

Nassor Binslum, Akida Machai na Heme Hilal wakiwa katika viunga vya jiji la Arusha baada ya mechi kuisha kwa ushindi 2-0.

PICHA ZIKIONESHA YANGA ILIPOIBANDIKA ASHANTI GOLI 5-1.

 Wachezaji wa Ashanti United wakisalimiana na wachezaji wa Yamnga kabla ya mchezo. (Picha na Habari Mseto Blog)

 Beki wa Ashanti United, Ramadhani Malima akichuana na mshambuliaji wa Yanga, Hussein Javu, katika mchezo wa ufunguzi wa Ligi Kuu ya Soka Tanzania Bara uliofanyika kwenye Uwanja wa Taifa jijini Dar es Salaam jana. Yanga ilishinda 5-1. 

Wachezaji wa Yanga wakiwa katika ya pamoja.

 Beki wa Ashanti United, Emanuel Kichiba (kushoto), akichuana na kiungo wa Yanga, Haruna Niyonzima katika mchezo wa ufunguzi wa Ligi Kuu ya Soka Tanzania Bara uliofanyika leo kwenye Uwanja wa Taifa jijini Dar es Salaam. Yanga ilishinda 5-1.

Wachezaji wa Yanga wakishangilia ushindi wa bao 5-1.

BAADA YA JANA KUANZA KUUZA JEZI ZAKE - LEO HII REAL MADRID WAANZA KUTENGENEZA JUKWAA

Gareth Bale anakaribia kutua Real Madrid

Ujeniz wa jukwaa kubwa la kutambulishia wachezaji wakubwa wanaosajiliwa na Real Madrid ukiendelea mapema jana mchana. Inaaminika Real Madrid wapo katika hatua za mwisho za kumsajili Gareth Bale kwa ada ya uhamisho wa £94m ambayo itakuwa rekodi mpya ya dunia baada ya ile £80m waliyolipa Madrid kumsajili Cristiano Ronaldo kutoka Manchester United miaka minne iliyopita.

Miaka minne iliyopita Cristiano Ronaldo alikuwa mtu wa mwisho kupita juu ya jukwaa hili - na kama habari zilizopo ni za kuaminika basi Gareth Bale akiwa na jezi yake namba 11 atakuwa mchezaji mwingine kutoka ligi kuu ya Uingereza kupanda kwenye jukwaa ndani ya uwanja wa Santiago Bernabeu ndani ya siku chache zijazo

KWANINI NILIKATAA KUJIUNGA NA MAN UNITED, REAL MADRID NA CHELSEA.

Mshambuliaji wa Borussia Dortmund Robert Lewandowski amefunguka na kusema kwamba amekataa kujiunga na vilabu vya  Manchester United, Chelsea na Real Madrid ili aendelee kucheza kwenye Bundesliga.
Baada ya tetesi za usajili kumhusisha na vilabu kadhaa barani ulaya, ikiwemo klabu hasimu ya Dortmund - Bayern Munich, Lewandowski sasa amesuluhisha tofauti zake na Dortmund na ameripotiwa kwamba tayari ameongezea marat tatu mshahara wake.a

Na mshambuliaji huyo mwenye umri wa miaka 25 amezungumza na kusema alifuatwa na vilabu kadhaa, pamoja kuzungumza binafsi na kocha Jose Mourinho.

Baada ya kufunga mabao manne katika mchezo dhidi ya Real Madrid katika mchezo wa raundi ya kwanza wa nusu fainali ya Champions League, Mpoland huyo alipokea ujumbe wa simu kutoka Mourinho: 'Nataka uungane nami katika klabu yoyote nitakayoenda.'
Lewandowski aliiambia The Sun: 'Naweza kuthibitisha kwamba niliongea na Mourinho. Tulikuwa na mazungumzo mara kadhaa huko nyuma. Nina namba yake ya simu kwenye simu yangu. Ninahisi fahari kuwa kocha mwenye jina kubwa kama lake kunihitaji.
'Mwaka mmoja uliopita niliongea na Sir Alex Ferguson na kwa kweli lilikuwa jambo kubwa na muhimu kwangu.

'Kustaafu kwa Sir Alex hakukubadilisha maamuzi yangu ya kutokwenda England. Aliongea nami mwaka mmoja uliopita, lakini haukuwa muda sahihi kuondoka. 

'Premier League ni kubwa sana, kama ilivyo La Liga. Lakini  Bundesliga ni kila kitu cha kuifanya kutawala kwa miaka mitano ijayo.'
Lewandowski pia alithibitisha kwamba alikutana na raisi wa Real Madrid Florentino Perez kwenye dimba la uwanja wa Bernabeu muda mfupi baada ya Dortmund kuweza kufuzu kucheza fainali ya Champions League.